初試「可循環填充墨盒」for my new Canon MP648

從來買Printer都是樂事，因為功能多多，但價錢是屬於物超所值的。因為Printer公司要賺的，是墨的錢，並不是Printer的錢，所以每當墨盒用完，就是煩腦的時候。

現在代用墨盒已經很容易可以買到，多數是原廠的1/2至1/3價錢，但我認為仍未算最化算，要是決定要放棄原廠墨，那就去盡一點吧！

以往舊公司也有因為我的建議，引入了外置式填充墨盒服務，試過幾年，覺得要做外置，除了外觀不好看外，少不免引起機件問題，如果是家用的話，用墨量多極有限，所以我便決定用這種「可循環填充墨盒」做替代。

「可循環填充墨盒」是把電個原廠墨盒替代，所以把墨盒中的晶片也替換了，解破了原廠墨盒的偵測功能，像我這樣買一套含晶片的一套5個820BK/821BK/C/M/Y墨盒連針筒，便需要付$135(HKD)。墨方面：821BK/C/M/Y一套四支100ml是$140；另外820BK油彩墨是$55/100ml。

我的如意算盤是這樣打的，在又一城的Canon Printer Promotion期間(18-20/6/2010)買部MP648($1388)包以下贈品：

1. TEE係CLUB CANON值 HKD$100.0 + 500 Points / $180
2. Photo Paper Pro II x2 值 $125 x 2
3. Canon EOS 5D Mark II 4GB USB手指 限量版珍藏模型 YAHOO拍賣SELL緊值$500-700
4. 根機原廠墨盒5個值$416 (298價)
5. 根機Canon 4R Photo Paper 值 $20
6. 另外我在百老匯買，再送兩包Canon A4 Photo Paper(5張)值$40

就這樣計算都已經補回Printer的價錢了。而且原廠墨每個8ml，代用墨每支有100ml，預算了當中有漏墨或清潔墨頭時浪費了的墨也大概可以用$330買到10次全套墨盒，絕對是『印得開心，印得過癮』的好方法。

以下是我玩填充墨盒的過程全記錄：

切記手指不要碰到晶片，先除下填充墨盒蓋住氣孔的黃色膠紙，用針筒把相符的墨水注入，直至綿吸滿後的儲墨位置1/3滿(切記不要太滿，否則墨盒會因壓力過大而不停漏墨)。完成了後我把原廠墨盒和填充墨盒放在一起來個合照。

新機開箱後，插好電源，先把內附的銀色包裝噴墨頭裝上。這時才把替用墨的的橙色底座移除，用紙巾在下方吸走多餘的墨，才續一安裝上墨頭。(我就是做錯了這步，所以搞到四圍全手都是墨..... >_<)

之後無用接插上電腦，也可以打印調教墨頭測試頁，我也即時color scan一頁試試，效果真的十分滿意！

我一向最喜歡Canon的打印機，雖然Epson, HP, Lexmark都試過了，但仍然覺得Canon的機是最方便和好用，而我最喜歡MP648的原因，是它有wifi及打印碟面的功能，除了Pictbridge外，還有iphone app配合。就是這個Canon Easy-PhotoPrint for iPhone。試用過後覺得速度還是可以的，不過始終從iphone印出來的照片，像素有限，質素未可接受。

最後補幾張"Canon EOS 5D Mark II 4GB USB手指 限量版珍藏模型"的相片，雖然說這個東西可以轉賣出去，但真的有點不捨得啊~

夏末 EF-S 55-250mm 4-6.5/f IS 在獅子會

這幾個星期以來，看到天氣轉涼，已經個心飛o左去影相。
記得上年11月尾時，到訪這個西貢焦坑的獅子會自然教育中心時，導賞員曾說過九月尾至十月是有很多蝴蝶的季節，所以心思思很想去一趟，但始終不敢包是否真的有料到，所以未敢約攝友同行，唸住一個人去探o下路。
估唔到這裏真是有這麼多品種的蝴蝶和蜻蜒！
我只用了兩個小時左右，便找到了超過十個攝影對像，加上這裏交通方便，路易行又不危險，實是外攝蟲蟲的好地方！

更加要多謝今日天公造美，在陽光下我才可以影到如此美的效果。雖然我的技術並不專業，實在這次是第一次真正影蟲之旅，加上器材一般，不過在我個人而言，有這樣的收獲已經很滿意！
不過我並不會自滿的，我要繼續努力，在攝蟲的技術上多鑽研，因為在大自然的鏡頭裏，我看到神造物的奇妙！！！

手持 EF50mm f/1.8影夜景

昨晚天氣絕佳，只欠腳架及電磁，但用支50mm f/1.8手持AV mode，較最大光圈影夜景，尚算OK。

試鏡：EF17-40mm f/4L USM

在買支EF-S17-55 f/2.8 USM之前，科學家同事慷慨地主動借我一支L鏡【EF17-40mm f/4L USM】，話比我試請楚先買，真係唔話得。
講真，如果我有支L鏡，真係差o的要放上神台，點會捨得借比人？所以真係要交功課。






整體o黎講，對wide鏡無咩經驗，未係好拿握到構圖，不過L鏡即係L鏡，對焦的速度快到我以為點解個鏡頭無反應！因為AF係完全聽唔到有聲！
不過始終這支鏡個頭好大，有點兒誇，安了鏡頭後袋都放唔入，要硬咩在頸上四圍走，好彩只係屋企樓下影，去遠o既地方都幾頭痛…

Canon Expro 續集

問同事攞埋另外幾張相，當日重玩了另外兩支鏡：
(1) EF 14mm/2.8L USM

支wide鏡加全片幅，就企系隔離影都濶得利害，果然係勁！不過我個人暫時對wide鏡未有太大興趣。
(2)EF 50mm f/1.2L USM
這支傳說中嘅1.2，如果唔係expro都唔會試，因為都一定唔會買，但係大光圈始終係最吸引我，簡簡單單影一張室內，都可以好夠光，同好有景深，GOOD！！！



場內唯一一個展區係成日都無人排隊，就係以下呢個：
用部Mark III加防水鏡，入一間又落雨、又噴霧o既玻璃室，叫做話係試吓個機同鏡的防水功能，但實際上一有人入去，外面就即時會圍住o的人好似睇動物咁，好彩我為人係唔多怕醜，所以第一時間著雨衣，衝o左入去，重起勢將部嚟滴，方死部機唔入水。
後來呀Man問佢點解可以唔入水，o的職員話原來入面足足做了七十多個膠圈！
認真係『近』！

Canon Expro

星期五約埋好同事呀Man一齊去免費入場o既Canon Expro。
自從知道有這個展覽後，其實已經日日望幾時可以去，雖然自己都唔知咩原因，但就梗係覺得唔去唔舒服...
入到去本來想影吓相先，但係都等唔切，無咩心機影，只係好想知道有咩算數o野...嘻嘻！
於是我一個箭步就去o左免費印相區，算係差不多每部機都印吓，雖然話就話係每人只可以印一張，但係好似無講每人每次每部機先係一張，分開o既唔算架o麻...嘻嘻！
點知比呀Man影到我印相時個開心樣…


場內有一個地方，放了兩個箱，一邊是一件真的衫，另一邊是打印出來的，正面睇時，我都分唔出，重估錯o左，之後行到側邊再看，先知邊件係龍與鳳。

之後就梗係第一時間去試鏡頭，我目標有二：

(1) EF-S 17-55mm f/2.8 ISU SM

由於我多數影人像，同喜歡景深o既效果，所以對大光圈情有獨鍾，買機的時候單買body就係因為想要一支更大光圈o既standard鏡，這支鏡的spec顯然係我o既心水，但好可惜係S鏡，不保值也唔知APS-C片幅body重可以玩幾耐，如果用6千幾蚊去投資一支S鏡，好似不太化算。

不過當日試落真係唔錯，光圈大對影室內及做景深的效果很好，加上有IS，最啱我這種鍾意snapshot的人。

(2) EF 24-70mm f/2.8 USM

如果唔唸S鏡，又要大光圈就到這支 f/2.8的L鏡，一來無咁wide二來無IS，又好重，當日上手後都震到影唔到，張張都蒙過蒙太奇，但係佢始終係一支L鏡，好有發展o既潛力，但係成9千幾，我又唔夠力，都係唔好唸咁多。

(3) EF 24-105mm f/4L IS USM

第三支係同事們都話係好用的standard L鏡，光圈可以恆定做到4，加上105mm，如果無買400D支新kit鏡(EF-S 17-85mm f/4-5.6 IS USM)，這支是不錯的選擇，可以話係一支走天涯，但如果用APS-C或APS-H片幅就其實唔係好夠wide，但都算係OK，但係支鏡其實試落都係好重。

試完鏡後o既結論係：如果買支6千幾蚊o既S鏡，不如買支Sigma或Tamron好過！

之後見有得試大鏡，就點都要排吓排去玩吓啦，試o左支300mm f/4 L IS USM同支70-200mm f/4L USM，重到呀媽唔認得，之後隻手都痺痺o地…

所以都係擺下post影吓相算喇！

場內都有o的幾得意o既位比人影相，我就影了以下幾張，都幾得意：

番到屋企睇吓戰利品先...嘩！好開心呀！

除o左印o左好多靚相外，連本EOS System都拿o左成4本呀，因為我要幫我o的好同事攞埋o架o麻！！！哈哈哈！

Canon吸毒班

前日有幸上了一堂極之專業，但又極之輕鬆有興的『攝影入門』班。
講解的導師，正是我今年其中一位『高人』同事-Noodle(化名)

他除了有豐富的攝影、觀星、電腦、音響....知識外，更是一個物理學家及極具冒險精神的科學家。當日他就準備了私人tablet、講義、重有實物鏡頭，以提升大家的吸收能力。

其實相機就是盡量模擬人眼的效果，當然勁的鏡頭就可以看到人眼未必做到的望遠及微距功能。

首先略講一下Conon相機及鏡頭的發展，亦所謂吸毒入門。
之後解譯鏡頭的原理，球面鏡、非球面鏡、不同的鏡料、鏡面的防護膜、何為IS、USM及L鏡...

何為『單鏡反光』，如何善用『單鏡反光』原理，即係點為之『錫機』

何為『雙鏡反光』，此圖是Noodle珍藏，其火柴人亦為珍跡，極具收藏價值！
此圖為解譯何為『焦距』，一般說鏡頭的XXmm是甚麼意思。


這兩個光圈鏡頭，也是Noodle的珍藏之一(可想而知他的家要有多大...嘻嘻！)
以實物及實驗加深『光圈』的原理。
其實之後他也有解譯為何『光圈』愈大、數字愈細，其實是一條formula，不過可惜我聽完就唔記得，因為太深了...

同場加影呀Man借咗本『Canon Lens必買鏡頭30支』，真係驚毒我唔死...

星期三即日去灣仔298一樓間相機舖見到：
EOS 400D
IS Kit (行) $6980 (水)$6580
Kit (行) $4980 (水)$4580
Body (行) $4380 (水)$3980

好！我就睇吓我今次忍得幾耐！！！

試玩 Canon 400D IS Kit

影花

試過用auto較微距、又試過用光圈先行，同事話好少人用大機影微距，不過自己鍾意花，無法。

影物

Precious Moment o個張係停閃燈、1秒暴光、放部機系度影。

兔仔係zoom近。

影人

在超黑環境下，用auto夜拍影呀豬在房內喊。

當時雖然申手不見五指，但部機測光後一拍就OK，算係有少少驚喜。

喊完後落樓下Living Ideas影

又去Jumping Gym

特別鳴謝Model『呀豬』