新寵沙龍 (My iPhone 3G S)

我期待已久的iPhone 3G S，來到我家的日子，竟然是我工作的last day。星期一食完farewell飯回家後，一開門就見到Apple送來的包裹，實在令我驚喜萬分，原本送貨單是寫星期二才可送到的，現在真的算是雙喜臨門！

第一件想到要做的事，就是要去先達，買保護貼和iPhone套，因為想好好保護我的小白。

近來發現自己年紀大了，甚麼東西都喜歡是『皮』做的。喜歡那個皮的感覺和味度。加上我喜歡看到背面的蘋果標誌，所以這個粉紅色的，一試上機就愛上了。

之後看到以下這個『娘』套，雖然真的覺得它爆娘，但又真的是『好閃』啊！那種閃法，是我無法用相機拍下來的。很有『闊太』的感覺！而且放上手覺得很有手感，不易跣手。

我想，我的iPhone也應該有套『飲衫』出席重要的場合吧！所以兩個都買下來了。

言而，價錢一點也不貴，只是$35(上) + $85(下)，非常化算，加埋張$120的磨沙熒幕保護貼(後來發現，磨沙因為不啜手，寫起字來更快)，一切都預備好了，之後就可以去玩Jail Break了。

香港花展2009

原本對香港的花展都沒甚麼興趣的，因為年年都是機和花的數量差不多，人擠得根本沒有心情去賞花，也沒有心情去影相。
不過，今年的主題花，是我最喜歡的『波斯菊』(秋英/cosmos)，所以就決定點都要去影一影了。



我覺得今次影得不好啊！也沒有真的一個景是我一看就必影不可的，畢竟是香港的花展吧！
我認為波斯菊並不是這樣影的，要影波斯菊，應該要這樣影才夠爽吧！？

再戰香港公園：打花、打葉、打蝶、打蟲、打雀

今朝睡醒，一打開個窗簾：『嘩！有陽光呀！出動喇！』

春、秋，是兩個最適宜外攝的季節，要在這兩個季節中再加上好的天氣，及自己放假的星期六、日，相信不會有很多次，所以我認為既然遇到了，就咩都唔好理，一定要出動！

今次都係一心去打蟲、打花，所以都係一鏡走天涯，只帶了一支Canon的平價Tele三寶(平、遠、IS)：55-250mm 4-5.6/f IS。
賽後檢討： 唔夠sharp，真係心郁郁想敗過支Marco。
回來後拿出Canon、Sigma及Tamron的鏡頭目錄，狂看Macro鏡，當然加埋去DCHome，看review及價錢。總括各網上高人的意見如下：

1. Marco 1:1都是定焦及難用AF，多用MF

2. 100mm左右的打花, 150mm以上的打蟲

3. 打蟲的話對焦難掌握，也容易手震

其實我現在用這支Tele三寶，打蟲通常都係用到盡250mm，再加上400Dx1.6，差不多400mm回來後，打蟲的有八成都有crop，所以就算敗支人見人讚的Sigma APO 150mm F2.8，少了100mm(160mm至真)之餘重要無左IS。

加上比左四千幾蚊之餘，唔肯定自己係唔係真係可以做到MF，因為我唔多信自己隻眼....

唉！最後都係希望自己可以慢慢解毒，走進Marco世界條路很漫長，都係等我發左達先啦！ >_<

夏末 EF-S 55-250mm 4-6.5/f IS 在獅子會

這幾個星期以來，看到天氣轉涼，已經個心飛o左去影相。
記得上年11月尾時，到訪這個西貢焦坑的獅子會自然教育中心時，導賞員曾說過九月尾至十月是有很多蝴蝶的季節，所以心思思很想去一趟，但始終不敢包是否真的有料到，所以未敢約攝友同行，唸住一個人去探o下路。
估唔到這裏真是有這麼多品種的蝴蝶和蜻蜒！
我只用了兩個小時左右，便找到了超過十個攝影對像，加上這裏交通方便，路易行又不危險，實是外攝蟲蟲的好地方！

更加要多謝今日天公造美，在陽光下我才可以影到如此美的效果。雖然我的技術並不專業，實在這次是第一次真正影蟲之旅，加上器材一般，不過在我個人而言，有這樣的收獲已經很滿意！
不過我並不會自滿的，我要繼續努力，在攝蟲的技術上多鑽研，因為在大自然的鏡頭裏，我看到神造物的奇妙！！！

LENOVO HK Bloggers Event 收獲豐富

去了兩次Google的Event後，都好後悔無帶大機，所以今次準備充足，連腳架都帶埋去！(一定系痴o左)點知都係無用武之地，因為場地實在是太細了。

以下幾張係七至七點半我們等候的地方：

這野係一入場就一人一份的，正好比唔係好熟落的我可以同人有o的話題，不過奇怪的是原來這個等候室的食物同飲品都不是為我們預留的，大家跟本就不知道，還害幾位參予者一臉尷尬…

這三十分鐘對我來說其實可真長，因為我是一條友，膽粗粗地衝入去，好多人其實已經是幾個幾個相熟的，我唯有四圍係咁講"Hello, 我係Marie！"…
這個便是正式的場地，其實佈置得不錯，也算剛夠我們二十多個Bloggers用的
好了！正式開始了！我最欣賞並不是台上那三個人的講話，而是這些波波…真係好得意呀！

其實一個收獲就是有靚仔Model，運動型是我的最愛，我一定會影得你好型o架！
係就係偏心o架喇，女Model相信大把人影了，所以我都係影男的啦！嘻嘻！
第二個收獲，就是我抽中獎呀！！！
我一向都係無咩抽獎運o架，雖然我梗係好想抽中S9/S10，但抽中這個火炬USB Flash Drive都好開心呀！！！
我咁遲先post落blog，都係因為我要隆重其視這件禮物，今日先有時間set腳架、燈及影棚，一定要同佢影幾張靚沙龍…






點呀？係唔係唔錯呢？！其實我係運動白痴，對奧運都無太大感覺，不過這支火炬仔真係好cutie呀！

最後一個收獲，是最珍貴又最意想不到的... 就是回來後這幾天，在網上漸漸的有機會同在場的幾位bloggers交流，好榮幸好開心，覺得自己的眼界開了很多，有一種開了另一扇門，走進另一個世界的感覺，好難得！好難得！

感謝神！

Google Maps .HK Events 贈品玉照

為了珍而重之這兩件參加 Gogole Maps Hong Kong Launch Event的Free Gift，我等到今日有同事帶了部正機(450D)來，先借來一用，影了以下幾張玉照，給大家分享。

這是T-shirt的正面

背面印有香港的地圖，左邊袖口位也印有Google Maps.HK的網址

最可愛的是這pack magnet，底的磁片是香港地圖中銅鑼灣及維園的位置，上面四顆地圖示標造得又靚又可愛，非常之sharp！

唔知這些贈品放上網會唔會賣到好價錢呢？...

剛在YouTube上見到這個由Google HK自己upload的viedo
Google 地圖—讓您創造自己的地圖

Hong Kong Disneyland Resort Snapshot

My Taiwan Trip Snapshot

新年禮物 - 40cm攝影棚

想買番個攝影棚好耐，但又驚自己唔識買、買o左唔識用....新年前去深水入貨，見到賣$150，重有埋紅、黑、藍三色布可更換，於是忍唔住買o左喇！
算啦，買唔到鏡頭，就當止渴先啦，新年禮物o羅！

今日先得閒試，嘩！真係效果唔錯喎！
即時好似好pro咁，唔洗成日唸就位都唸唔掂，好o野！


其實如果影PM，40cm都夠用了，不過個棚摺起來都好慳地方，所以如果有銀兩就買大o的都無所謂。

初二影煙花

用番我唯一一支鏡 - 50mm f/2.8，手持，曝光補償 -2，ISO 200，都找到幾張OK可以post一下。

拍攝地點：灣仔海濱長廊(狗公園)

新年快樂！

小女子新年作品，祝各位新年快樂！萬事如意！身體健康！

灣仔 - 生記

埋單 $37XX

手持 EF50mm f/1.8影夜景

昨晚天氣絕佳，只欠腳架及電磁，但用支50mm f/1.8手持AV mode，較最大光圈影夜景，尚算OK。

試鏡：EF17-40mm f/4L USM

在買支EF-S17-55 f/2.8 USM之前，科學家同事慷慨地主動借我一支L鏡【EF17-40mm f/4L USM】，話比我試請楚先買，真係唔話得。
講真，如果我有支L鏡，真係差o的要放上神台，點會捨得借比人？所以真係要交功課。






整體o黎講，對wide鏡無咩經驗，未係好拿握到構圖，不過L鏡即係L鏡，對焦的速度快到我以為點解個鏡頭無反應！因為AF係完全聽唔到有聲！
不過始終這支鏡個頭好大，有點兒誇，安了鏡頭後袋都放唔入，要硬咩在頸上四圍走，好彩只係屋企樓下影，去遠o既地方都幾頭痛…

A Dinner at 『滋味一方 - 火瞳。湯』

第一次影日落

一個好唔刻意o既情況底下，身上又帶住部機，答緊船過黃埔的途中見到日落，點可以唔影呢？


雖然這幾日的天氣都好大煙霞，所以影物唔多夠清，不過日落真係好靚！
短短唔夠一分鐘就落咗，想再補多幾張都唔得，真正體驗到『夕陽無限好，只是近黃昏』

所以有時短有短好，起碼令人懂得珍惜同懷念...

南生圍人像外攝

今日約埋幾位同事一同去南生圍玩外攝。有幾張都幾滿意，特別嗚謝Model呀豬！

Snapshot in Restaurant and Bar

A Tea Time in "Orchard Garden Cafe & Restaurant"




A Night at "New Derby"

獅子會自然教育中心外攝

今日用借用同事支長鏡，在獅子會自然教育中心影了不少花蟲，很開心！
希望下次有多些時間再戰此地！
另外，用Tele來影自然界景物，確有另一番滋味！不錯，不錯…

『太古坊香港風情- 微型藝術展』唔好玩！

在Yahoo Blog的訂閱中，看到歪哥的拍的照片，才知道有微型藝術展，於是便借了同事支「新老婆」100mm 2.8/f Macro，去試支鏡，又試架機。

不過過程一o的都唔好玩，因為環境暗，唔用flash就算較高ISO，都震到呀媽唔認得，雖然帶埋支水皮腳架去，但係環境基本唔容許慢慢set位，因為實在太多人！

重要係個個都拿住部手機或傻瓜機，貼到埋一埋來影！
喂！我支Marco係100mm定焦來架！有無人見到你後面有個傻婆等位等幾分鐘呀？！！！！
我坐底要距離件o野1-2米先可以影到成件作品，但這1-2米o既位置，卻係川流不息...

影成個鐘，都係算啦，叫做影過就算喇，都係自在玩下…
番來總算找到幾張交貨比借鏡比我位同事啦！