『太古坊香港風情- 微型藝術展』唔好玩！

在Yahoo Blog的訂閱中，看到歪哥的拍的照片，才知道有微型藝術展，於是便借了同事支「新老婆」100mm 2.8/f Macro，去試支鏡，又試架機。

不過過程一o的都唔好玩，因為環境暗，唔用flash就算較高ISO，都震到呀媽唔認得，雖然帶埋支水皮腳架去，但係環境基本唔容許慢慢set位，因為實在太多人！

重要係個個都拿住部手機或傻瓜機，貼到埋一埋來影！
喂！我支Marco係100mm定焦來架！有無人見到你後面有個傻婆等位等幾分鐘呀？！！！！
我坐底要距離件o野1-2米先可以影到成件作品，但這1-2米o既位置，卻係川流不息...

影成個鐘，都係算啦，叫做影過就算喇，都係自在玩下…
番來總算找到幾張交貨比借鏡比我位同事啦！

Blogger Ads

見Google Adsense無咩起色，呀Man推介我加 Blogger Ads，因為Blogger Ads除了收入比Google Adsense高外，更會幫你的blog作宣傳，希望加了這個Ads後對我blog的瀏覽量有起色吧。

說回Blogger Ads，其實申請同安裝的方法都很容易，因為這個Ads明顯就是為Blogger而設，在blogger的設定方面有很詳細的圖文指引，只要click一下下面的標誌，作簡單登記後便可以進入戶口收取廣告程式碼。

希望大家都支持一下，click來加入吧！

為甚麼要搬Blog？

終於加了Blogger Ads的廣告。
加廣告當然是好壞參半，但現在我才明白，為了要令個Blog繼續經營，令自己有動力繼續寫下去，其實廣告的回報是一個很大的支持。
其實這也是我要由Yahoo Blog搬到Blogger的其中一個主要原因。

Yahoo Blog最大的問題是『擁有權』，愈寫就愈覺得不值，為甚麼我要把我寫的影的都加入變為Yahoo的產物呢？你Free那幾十Mb的位置給我很巴閉嗎？寫著寫著，愈覺得自己像個白痴一像替Yahoo當『義工』，大家不要忘記，在有需要的時候，Yahoo是會把你所有的個人機密賣出去的！

雖然，像我一樣的平民，沒有出賣的價值，但網上這麼多個免費平台，我仍是有權選擇的，至少我真的行動了，選擇了Blogger。

你看，寫了blogger兩個月，Google adsense好像也沒有甚麼起色，不過萬事起頭難，起碼有個數字支持一下，錢還是其次的。

現在當我在別人的blog中找到好東西時，我都會click一下他們的廣告，以支持一下寫blog者的貢獻，就算不用回應，也算是個支持，希望這個文化也可以在香港傳播開去，最終使大家也得益。

Flog Blog in Facebook

轉了用blogger之後，最大的問題不是太自由，因為在自由空間鑽研和玩新o野正是樂趣所在。但衰是衰在blogger的社群力量不足，不似Yahoo blog，每次寫blog都會email通知一眾已訂閱的讀者，加上Yahoo blog中互相瀏覽的人勁多，可以話係唔怕無人睇；但Blogger就剛剛相反，好難可以做到Yahoo的瀏覽量，寫o野好似寫比自己睇(雖然這可能正是『blog-網上日誌』的真正需要)，無咩癮，都係忍唔住copy番過去yahoo等多o的人過來睇吓。

自己於是唸吓唸吓，無理由facebook無同blogger contect的功能o既，於是即管去search一下，試了一、二個後，這個"Flog Blog"終於行得通

這個applications專係比人connect自己的blog post落 facebook的profile度的，對於此等與blog有關的free applications，相信用既blogger是多數無問題，但反之用在Yahoo就多數衰，所以都係我唔鍾意再投放資源在Yahoo的原因之一。
句feed URL本來我都唔識填，但見佢個sample教只係將個blog原來的URL後面加"?feed=rss2"，就即管試吓，嘩！真係得咗喎，你話blogger幾好呢！
add 咗個applications後有好多setting系可以，包括顯示方式、多少、update的frequency，甚至邊篇up，邊篇唔up都可以慢慢選擇。

希望放咗上facebook後會多啲人睇，而且，我下一步將會好好唸吓blogger的宣傳方法。

Flog Blog參考網址：
http://www.facebook.com/apps/application.php?id=2344132808

High Tea in Gova

Canon Expro 續集

問同事攞埋另外幾張相，當日重玩了另外兩支鏡：
(1) EF 14mm/2.8L USM

支wide鏡加全片幅，就企系隔離影都濶得利害，果然係勁！不過我個人暫時對wide鏡未有太大興趣。
(2)EF 50mm f/1.2L USM
這支傳說中嘅1.2，如果唔係expro都唔會試，因為都一定唔會買，但係大光圈始終係最吸引我，簡簡單單影一張室內，都可以好夠光，同好有景深，GOOD！！！



場內唯一一個展區係成日都無人排隊，就係以下呢個：
用部Mark III加防水鏡，入一間又落雨、又噴霧o既玻璃室，叫做話係試吓個機同鏡的防水功能，但實際上一有人入去，外面就即時會圍住o的人好似睇動物咁，好彩我為人係唔多怕醜，所以第一時間著雨衣，衝o左入去，重起勢將部嚟滴，方死部機唔入水。
後來呀Man問佢點解可以唔入水，o的職員話原來入面足足做了七十多個膠圈！
認真係『近』！

Canon Expro

星期五約埋好同事呀Man一齊去免費入場o既Canon Expro。
自從知道有這個展覽後，其實已經日日望幾時可以去，雖然自己都唔知咩原因，但就梗係覺得唔去唔舒服...
入到去本來想影吓相先，但係都等唔切，無咩心機影，只係好想知道有咩算數o野...嘻嘻！
於是我一個箭步就去o左免費印相區，算係差不多每部機都印吓，雖然話就話係每人只可以印一張，但係好似無講每人每次每部機先係一張，分開o既唔算架o麻...嘻嘻！
點知比呀Man影到我印相時個開心樣…


場內有一個地方，放了兩個箱，一邊是一件真的衫，另一邊是打印出來的，正面睇時，我都分唔出，重估錯o左，之後行到側邊再看，先知邊件係龍與鳳。

之後就梗係第一時間去試鏡頭，我目標有二：

(1) EF-S 17-55mm f/2.8 ISU SM

由於我多數影人像，同喜歡景深o既效果，所以對大光圈情有獨鍾，買機的時候單買body就係因為想要一支更大光圈o既standard鏡，這支鏡的spec顯然係我o既心水，但好可惜係S鏡，不保值也唔知APS-C片幅body重可以玩幾耐，如果用6千幾蚊去投資一支S鏡，好似不太化算。

不過當日試落真係唔錯，光圈大對影室內及做景深的效果很好，加上有IS，最啱我這種鍾意snapshot的人。

(2) EF 24-70mm f/2.8 USM

如果唔唸S鏡，又要大光圈就到這支 f/2.8的L鏡，一來無咁wide二來無IS，又好重，當日上手後都震到影唔到，張張都蒙過蒙太奇，但係佢始終係一支L鏡，好有發展o既潛力，但係成9千幾，我又唔夠力，都係唔好唸咁多。

(3) EF 24-105mm f/4L IS USM

第三支係同事們都話係好用的standard L鏡，光圈可以恆定做到4，加上105mm，如果無買400D支新kit鏡(EF-S 17-85mm f/4-5.6 IS USM)，這支是不錯的選擇，可以話係一支走天涯，但如果用APS-C或APS-H片幅就其實唔係好夠wide，但都算係OK，但係支鏡其實試落都係好重。

試完鏡後o既結論係：如果買支6千幾蚊o既S鏡，不如買支Sigma或Tamron好過！

之後見有得試大鏡，就點都要排吓排去玩吓啦，試o左支300mm f/4 L IS USM同支70-200mm f/4L USM，重到呀媽唔認得，之後隻手都痺痺o地…

所以都係擺下post影吓相算喇！

場內都有o的幾得意o既位比人影相，我就影了以下幾張，都幾得意：

番到屋企睇吓戰利品先...嘩！好開心呀！

除o左印o左好多靚相外，連本EOS System都拿o左成4本呀，因為我要幫我o的好同事攞埋o架o麻！！！哈哈哈！

Picasa SlideShow

近來玩facebok，由於我係google既粉絲，所以少不免在facebook的applications上search一下有關google的玩 意，找到一個叫"Picasa Gallery Slideshow"，一試之下，才知道原來picasa是有slideshow embed code provided的，只是在英文版先有這個button！


於是便即去picasa的設定中改為英文，嘩！真係有o架！
想一想既然有段embed code，除咗可以放在facebook，即係放在blog都得啦！
雖然現在blogger已經有一個新增一個element叫"投影播放"但係覺得佢唔夠彈性，太細，又唔可以改code，試過用，但感覺只係好過無。
而家段embed code係完全open，大小可以隨便更改，其中的heigh同width比例係剛好"1:1.5"，我用這個比例來做適合自己blog中側欄的width 22o pixel，於是計埋heigh係"147 pixel"，就咁就搞掂了！

你睇幾靚！好o野！！！

同場加影最新一輯靚相，size用700pixel width，embed落blog的內容，都幾OK啩？！

Blogger Tag Cloud

終於可以成功做到用Tag Cloud代替長長的標籤列，其實方法都好簡單，我主要參考以下這個用google打"blogger tag cloud"後search回來的blog指示：

http://phy3blog.googlepages.com/Beta-Blogger-Label-Cloud.html

但要留意幾點：
(1) 在【範本】->【修改HTML】中記住鈎選【展開小裝置範本】
(2) 把原本的HTML先paste到notepad作backup及修改

(3) 找到 這個位置後在此段的前及後插入第一及第二段code

(4)最後找

至 一段位置，把第三段code 取替了便完成了

(5) 至於Tag Cloud中的大小顏色等，都可以在第二段code中作更改：

var cloudMin = 1; -> 最小顯示的標籤數量，"1"代表只要有一個標纖都會顯示出來
var maxFontSize = 20; -> 最多標籤的字型大小
var maxColor = [0,0,255]; -> 最多標籤的字型顏色
var minFontSize = 10; -> 最少標籤的字型大小
var minColor = [0,0,0]; -> 最少標籤的字型顏色

原本標籤：

更改後新標籤：

Blogger "mobile blogging "

好幾位同事知道我現在試用新手機的mobile blogging功能寫blog後，都很想知道詳細的操作方法，所以昨日用另一部手機拍下手機的整個操作過程，也capture了好幾個電腦上的版面，好讓各方好友更清楚當中細節。

先看看電話方面：

每張照片在手機拍下後，都可以在選單內找到【發送->到blog中】的選項



按下後便看到一個簡單寫blog的頁面。

輸入標題及簡單的內容後，便可以按【發送】

發送後會自動問你是否想立刻在手機中上網觀看網誌

在手機中可以觀看整個網誌的內容，包括其他文章、頁面標題、廣告...等等


電腦方面：
由於一個gmail帳戶，可以同時管理最多10個blogger blog，所以我也試試管理3個。

在我的管理頁面，可以看到我管理的3個blog外，側欄也看到我已確認的【行動裝置】- K850i

按下K850i的連結，便可以看到手機在初次這行使用確認後，便可以選擇往後手機發送的文章是送到那一個blog。如果用家本來在blooger是未有戶口的，blogger會auto安排一個mobile blog的位置供手機上載網誌。用家之後可以隨意在電腦上改動手機發送到任何一個自己管理的blog內，十分方便。

http://www.blogger.com/mobile-start.g

否則，按下【學習如何開始使用行動blogging】便會看到以上頁面。

當中，除了解譯sonyericsson是partner關係，所以有好一些其品牌的機己內置mobile blogging功能外，也提到iphone的用家使用的方法。

另外，其實任可手機都可以以send MMS或email的方法連結到blogger的，方有關方法可以參考以下網頁：
http://help.blogger.com/bin/answer.py?answer=42448