Google Maps HK 商家登錄 Step by Step

其實很早以前就想去做個商家登錄，因為去看台灣的maps時，找到的商舖都覺得很奇怪為甚麼有一些會有埋張相可以看到o既呢？現在推出了 Google Maps . HK後，我就急不及待想試一下。
以下我用了一間小學作為範例：

首先當然係要登入 http://maps.google.com.hk


在左下方可以看到『在Google地圖上顯示您的商家資訊』的選項

輸入一些簡單的資料，如果地圖的auto顯示有誤，即刻去修正一下。

之後可能會出現一個畫面，問你要登錄的那間商戶，是否已在他們資料內，我就看到有一些同區的小學校名資料，不過剛巧是沒有我想提供的哪間小學(這個頁面沒有capture，不好意思)。
在『『產業類別』內選好，再選『下一步』

由於我登錄的並非一間營商的店舖，有關時間及收費的資料我當然是留空啦！

之後便去到一個我很上列的頁面，就是可以提供上載圖片的部份。


一共可以上載多達十張圖片


之後的一頁，提供填上更詳細的介紹，包括交通方式及創立年份...等
在之前一頁按『完成』後，便會彈出一個示窗，表示在完成登錄程序後，有關的商家是會收到一個電話來確認資料。

之後便看到這個頁面，咁我就先打電話去學校，讓接電話的同工知道一陣會收到一個語音電話，叫佢輸入現在所顯示的『驗証碼』，通知有關同工後，我就按下『立即來電』
就會見到這個畫面，個pizza在不停的轉、轉、轉....
過o左唔夠一分鐘，我想當然係我那位醒目的同工已正確的輸入『驗証碼』，所以已經可以看到成功登錄的訊息！

好o野！

Google Maps 點HK新功能

去了Google Maps.HK 的launch event回來後，也有試過.HK的新功能，其實可以話係一睇就識。
只要在以往用開的"maps.google.com"後面加 ".hk"就可以看到以下這個左面有香港熱門地區的版面，你就知道你已經去o岩了HK的Google Maps了。
按一下『我的地圖』，除了可以看到以往自己在maps做的地圖及自己選加的工具外，還可以見到有『推薦的小工具』，當中有幾個我試過後都覺得幾有用及有趣。
首先是那個『香港即日上演電影』的工具，即時已經可以看到所有現在正上演的戲名在左邊的工具欄內以供選擇，其後地圖也出現相關電影有上演的戲院所在位置，輕輕點一下，連邊間戲院、幾點場，幾錢都一目了然！
雖然我是屬於那類成年都唔去戲院一次的人，但也覺得很好玩！
令我覺得最地度及實用的就是這個『香港鐵路交通地圖』，因為我有別號為路盲，除了以往未合併前的地鐵站識去之外，其後的東鐵、西鐵、馬鐵都是完全唔識轉車及唔知點去，而對於複雜的輕就更加唔洗講。以往我都是打電話比住在附近的朋友，但你睇，現在用這個工具，一睇就知答邊號的輕鐵及邊個站落車，如果早一、兩年前有這個工具，我去校訪就唔洗咁驚啦！
另一個很『近』的工具，就係『香港即時路況圖片』，真係一click就可以睇到塞唔塞車，重係每兩分鐘update一次，如果真係買了3G iphone，再加埋個無限上網plan，除了可以用GPS找路外，又可以即時知道邊度塞唔塞，真係唸起都覺得好玩！不過…我都係唸o下架咋...

其實我對Open Rice無太大好感，因為聽過佢唔少負面新聞，覺得佢網站內的所謂排行或餐廳介紹，或多或少同間餐廳比幾多廣告費好有關係，有欺偏觀眾的成份，只可惜香港並未有第二個同類的平台加入兢爭，所以都無得選擇。
這個小工具提供其網站內頭30位排名的餐廳地點指示，我拿『肥姐小食店』為例，因為每次去旺角，我排幾耐隊都要去食番幾串，大家未試過的不防去試下，簡直係體驗o左中國人民幾千年飲食文化的晶粹！而這個小工具其實『笨』唔係咁簡單，果為可以借助提供的『搜尋附近地區』功能來找其他餐廳位置資料，請看以下我的示範：


最後都係由於我個人比較不甘平凡的關係，所以點都要自己搵下有無更好的小工具，找到以下這個比較值得一提o既，係一個可以顯示各區的空氣污染指數的工具。

留意，其實左邊的設定欄位內，其實是可以選擇埋其他國家的資料，不過我就只選了香港，按一下想要看的位置，資料十分詳細，真係唔知o的人點鬼樣整o的咁o既o野出來o架！

Google Maps香港發佈會

唔知點解，就係咁o岩，次次要出席Google的event都係無帶相機，好彩部手提電話都可以影得下，但係唔知係唔係唔夠電，影到臨尾黑到似墨豆，所以無得救


拍了幾段movie，回來後用個movie make粗粗的夾埋佢放上來比大家看看現場的環境


講真，今次真係好難忘，當然唔只係因為美味o既食物，而係真係可以同好多同台的人交流，最開心當然係可以坐在Google Maps的其中一個Engineer隔離，可以問佢好多問題，又可以一齊講o下笑，我對面o個位都係唔講得笑，係一個叫You Blog的Engineer，自己寫過好多API，在網上都可以輕易找到，不過未經當事人同意，我當然係唔會亂放佢o地o既名出來啦！

今日真係獲益良多！

Google Analytics Module for Joomla!

成半年前試裝了好幾次這個module，唔知點解，就係唔得！
又裝，又剷，試過幾個唔同的網站下載，但係點都係在Google Analytics度無反應！
本來已經係半放棄狀態，但係點都係有o的唔份氣，如果行唔到，都無理由會有四粒星卦？！

今日好開心！終於見到得o左，原來一切問題，只在於SETTING！
下載Google Analytics Tracking Module
http://extensions.joomla.org/component/option,com_mtree/task,viewlink/link_id,1233/Itemid,35/


以下是我在兩個不同語言背景的Joomla!後台上的Setting，供大家參考：

雖然我唔明白其中setting的意思，也不知道點解咁樣set就得，之前號唔得，但總知我知道，我現在係『得o左』！
大家記住Analytics _udn site，我上次原來就係衰在填多o左o野！

扭計骰

唸住買一個扭計骰只係十幾蚊，無咩所謂，但係買o左之後先知原來自己係無辦法將佢還原。
原本唸住四圍問o下邊個識o既幫我扭得番原狀就算，但係搵唔到！終於忍唔住在互聯網上面找資料及學，扭了幾日，雖然未能把公式背入腦，但也算可以把它一次又一次還原。

為了想自己找到的資料可以保存，都係忍唔住要做番個presentation，及寫番個blog post。



點解叫『口水notes』呢？因為我都只係執人口水尾，無個人的發表，而且我好想信，無咩邊個會明我這個powerpoint講咩，因為我只係寫來比自己睇，第自己唔洗成日帶住張紙周圍走，各位睇唔明o晃朋友，唔好意思！

Google 香港首屆教育研討會(後記)

七月五日(六)，真係唔知好彩定唔好彩，是撞正我開U-Thinker的日子，原本有唸過同公司拿permission過去，但係唸唸下都係唔想放棄4個鐘頭的Time Off，所以最後都係委派了特務尊員去拿料及偷師。


現在同大家一齊分享一下當日的資料，

首先是贈品：

包括一個紙袋、一個mouse pad、一本只有封面印了Google字樣的notebook(注意，是真正的notebook！不是手提電腦 >_<)、一個file及其實重有一支原子筆，但都係同在街上派的差不多，只是印了一個白色的Google字樣在上面，所以沒有拿回來影相了...

跟住是証書：

這張當然是我偽做的！哈哈！


還有當日的程序表：

最後當然是大家最有興趣的講議：
(請大家耐心等後，因要聯上box.net的file，所有file都可下載）
http://www.box.net/shared/eyzlecckks

如果有興趣想拿高reslution的筆記，請留言聯絡，謝謝！

Google Maps - Street View 街道實景地圖

Google Maps - Street View

以下這段介紹的movie講解得十分清楚，也很搞笑！


進入Google Maps的Street view地圖後，可以看到同平時Maps的分別是多了很多相機及藍色highlight了的地方：

到現時為止，可以看到很多美國及歐洲的地方已經有street view的資料。

我就試過去一去Paris，果然好容易就找到凱旋門，好開心呀！
只要輕按地圖上的『street view』鍵，再在地圖上有藍色high light的地方click一下，就會見到有一個踏住單車的人出現，street view地圖也很快彈出來，在street view的小地圖上還有顯示了街道的名稱及街名，可以在箭咀上click一下示意向前或向後，等一陣，你便好像在當地行走一樣看到地圖在變動！
右方還有可以zoom in, zoom out及360度轉彎的操控，非常方便及抵死！

有時間都可以用這個網上工具，去一去平時很難可以到訪的地方，一解心癢！

P.S.:但如果想去中國走走，也有一個和Google Maps Street View煩似的網站城市吧http://gz.city8.com/可以去走走看。

Joomla! 必裝Extension - JCK編輯器

從木又可可大人口中認識Joomla!以後，吸然是玩過一排，但係一個人對住部電腦玩，始終功力有限。我發現如果想自己功力再上一層樓，除了迫自己要交課比出糧o個位真老細外，重有一個更好的方法，就係去開course。
同幾位同事一齊講o下講o下，Joomla!的課尋日終於完了第一次，真係好驚險！事關我份人都係『臨渴先掘井，唔屎急唔開坑』，當大家一齊擺架比試後，真係會功力大增，以下介紹這個Joomla!的extension(mambot)，就是我尋日其中一個收獲！真係要多謝幾位同事，重有唔好忘記多謝高人Mr Mud！

JCK其實是Java Compatibility Kit，這個裝在Joomla!的自動化程式(Mambot)內叫"joomlafck2"亦即是Joomla內的open source text editor。
如果用過Joomla!的人都會知道，編寫items時都是不可以直接把相片upload在文章內的，原本的editor只接受在media bank內插入預先已上載的圖片，又或插入有關相片的連結。
JCK就可以解決了這個大問題，而且還可以把上載的圖片更改到你想要的大小，加上簡單邊框等，才一次過upload。
用了JCK後，在Joomla!的前台編寫items就好似寫blog一樣，非常方便實用，希望這樣可以增加user的使用量！

下載JCK：
http://www.joomlafckeditor.com/index.php?option=com_content&view=category&layout=blog&id=34&Itemid=61

以下我示範的是在1.0.13中文版Joomla!安裝2.6.0版JCK：

安裝：
新增或移除程式 -> 自動化程式
安裝的方法太簡單，所以沒有capture了，以下是成功後的畫面：


之後要在『全站設定』的編輯器中，選回Joomlafck為預設編輯器，就可以了。

Google Maps小工具-台灣汽車行車導航

在編排台中的行程時，發現Google Maps的『規劃路線』是不能使用的，而且有好一些比較離市區遠的地方，地圖上的題示，無論是map或satellite都很不仔細，但無意之中找找下，竟然在小工具中看到有一個名叫『台灣汽車行車導航』的東西，試試一看，其實就可以做到劃路線的功能，而且也算詳細。

這個便是我回程時從酒店回機場的路線圖，看起來感覺上和真正在Google Maps上做的『規劃路線』差不多。

左手邊更有路線的文字說明，點選任何一條路線，地圖便會立刻走到那條路上給你看清楚。
現在看起來的實用性和感覺都很不錯，但最重要的還是準確度，這個我就要回來後才可以再作賽後檢討了！

My Tai Chung(台中) Plan in Google Maps

當要自己編排自由行的行程時，就會發現Google Maps可以話係好大o既幫手，上幾次都有係咁易用下，但今次就好認真咁想試清楚"My Maps"的功能，所就把所找到的資料同URL都放在每個spots的descriptions度，咁就比同行的團友睇，都可以一目了然了！

檢視較大的地圖

http://maps.google.com.hk/maps/ms?ie=UTF8&hl=zh-TW&msa=0&msid=101086913223817467293.00044a218961ef2c80c9b&z=10
點下去每一個spot都可以看到詳細的介紹，也可以把自己編的maps公開出來，令之後有人在Google Maps上打的searching words吻合時，都可以獲得你的資訊，我覺得這個概念同做法都十分好，我一定會繼續支持！
大家認為我做的map怎樣？比o的意見好喎！