Logitech Pure-Fi Anywhere Speakers

敗MacBook Pro時，順手加埋這個Logitech Pure-Fi Anywhere Speakers，Apple的速度真係好快，我9/6網上訂，佢11/6上午已經由星加波送到我屋企。

買這部機，完全係貪過癮，事關計埋送的那部iPod Touch，屋企總共有1部iPhone及2部iPod Touch，於是諗諗下其實唔需要再買收音機同CD機，買部呢o的iPod Speaker重好。之前其實在黃金買過一部，不過唔知點解，唔夠一個月，就由可以叉電，變了做唔可以叉電，o個部o野只係$250，所以就算數了。

現在這部想放在廳，又可以隨時叉足電去沙灘、去街街都得，用3G上網，幾時都可以聽到收音機，播歌又得，所以就買來玩下。

個樣都好靚，配件好齊，插頭有香港頭同美國頭兩個，機的插座有十個(見相)，而且細細部，又有埋個袋一套咁好鬼靚。

衰又衰在講明舊內置電池會有charge limit ，用得多舊電會好似手提電話咁老化，之後就只可以變為一定要用濕電。

講多無謂，睇相啦！